هتعمل ايه لو موبايل اتسرق ؟؟؟

لو موبايل اتسرق هتعمل ايه عشان ترجعة تاني من اللي سرقة ؟

هتعمل ايه لو موبايل اتسرق ؟؟؟

ركزوا معايا

عمرك ضيعت موبايلك في البيت وكنت عامله سايلنت ومعرفتش تلاقيه؟

طيب لو موبالك اتسرق وعاوز تحدد مكانه ممكن تعمل ايه؟

طب لو اللي سرقه غيّر شريحته؟

كل ده ممكن تتحكم فيه باللابتوب بتاعك بمجرد ما تعمل أكونت على سامسونج .. هات موبايلك جمبك دلوقتي وافتح الانترنت. في البداية هنبدأ نعمل Samsung Account ونربط اللابتوب بالموبايل وبعدها هنقدر نتحكم فيه عن طريق موقع سامسونج مباشرة.

**أولًا: ازاي تعمل أكونت سامسونج من موبايلك؟

هتدخل على settings وتدور على Accounts وتمشي مع الخطوات دي (فيه خطوة واحدة مش مكتوبة وهي الخطوة اللي بتسجل فيها ايميلك والباسورد)

** ثانيًا:  هندوّرعلى Remote control في الـ settings ، ممكن تلاقيها مباشرة أو ممكن تلاقيها في الـ Privacy على حسب نوع موبايلك زي ما في الصورة.

كده خلصنا settings الموبايل.

هندخل دلوقتي على اللابتوب ونفتح موقع www.samsungdive.com

نعمل  Sign In  بنفس الايميل والباسورد اللي سجلنا بيهم على الموبايل.

** أول ما يدخل هيظهر لنا الشكل ده،

الجزء اللي على الشمال موجود فيه كل أنواع الـ Remote control اللي نقدر نعملها،

زي إنك تتبع موبايلك، او تقفله، أو تخليه يرن ، او غيره من الاختيارات.

  هنجرب بعض الخيارات في التحكم عندنا..وهنبدأ بـLocate my device

أول مرة تجرب Locate my device هيجيبلك موافقة على الشروط عشان كده لازم تكون جربت مرة واحدة لأنه أحيانًا بيطل confirm من على الموبايل.

هيبدأ يدور على الـ Location وهنلاحظ إنه فتح ال GPS في الموبايل اتوماتيك من غير ما يستأذن

علشان يحددلك مكانك على الخريطة

وكمان تقدر تعمل tracing كل ربع ساعة لمدة 12 ساعة متواصلة، وتتعامل مع خيارات كتير جدًا.

تاني ميزة عندنا الـ Lock وده عشان لو موبايلك ضاع تقدر تتحكم في الـ PIN

والحماية بتاعتك وتبعت رسالة لو موبايلك ضاع أو غيره.

الميزة اللي بعد كده لو موبايلك سايلنت ومش لاقيه ،

تقدر تدوس Ring ، هتلاقي الموبايل بيرن لمدة دقيقة كاملة بصوت عالي عشان تلاقيه.

دي صورة اللي هظهرلك على الموبايل.

كده خلصنا أهم الخواص الموجودة في التحكم عن بُعد.. تقدر تلهب فيهم براحتك، وتقدر كمان تشوف باقي الـ options المتاحة.